Əssalamu əleykum və rahmətullahi və bərakatuhu, Hörmətli Şeyxülislam Həzrətləri! Bütün müsəlman dünyasının böyük sevinclə qarşıladığı, Yaradanın rəhmət və bərəkət yağdırdığı mübarək və müqəddəs Ramazan bayramı münasibətilə Sizə səmimi təbriklərimi bildirməkdən böyük məmnunluq duyuram. Qardaş ölkələrimiz arasında yaxın dostluq, strateji tərəfdaşlıq və müttəfiqlik əlaqələrini hərtərəfli möhkəmləndirmək, qarşılıqlı etimad və həmrəyliyi daha da gücləndirmək, dünyada müqəddəs İslamın həqiqi humanist mahiyyətini və maarifçiliyini, dini dözümlülük ideyalarını fəal şəkildə təbliğ etmək istiqamətindəki böyük xidmətlərinizi xüsusi qeyd etmək istərdim. Bu fəzilətli və əziz gündə Sizə uzun ömür, möhkəm cansağlığı, qardaş Özbəkistan və Azərbaycan xalqları arasında çoxşaxəli əlaqələrin möhkəmləndirilməsi yolunda gördüyünüz xeyirxah və nəcib işlərinizdə Uca Allahın daim yardımçı olmasını diləyirəm.
Ehtiramla,
Şavkat Mirziyoyev
2025-ci il 30 mart, Daşkənd şəhəri