Həyat yolu və fəaliyyəti Tutduğu vəzifələr Təltif və mükafatları Şeyxülislam ordeni Haqqında deyilənlər Qalereya

Şeyxülislam Allahşükür Paşazadə

- Qafqaz Müsəlmanları İdarəsinin sədri
- Bakı Beynəlxalq Dinlər və Sivilizasiyalararası Əməkdaşlıq Mərkəzinin baş katibi
- MDB Dinlərarası Şurasının həmsədri
- Dövlətlərarası (Avstriya, İspaniya, Səudiyyə Ərəbistanı və Vatikan) Beynəlxalq Dinlərarası və Mədəniyyətlərarası Dialoq Mərkəzinin (KAICIID) Direktorlar Şurasının üzvü
- Müstəqil Dövlətlər Birliyinin Müsəlman Dini Liderlərinin Məşvərət Şurasının sədri
- Qafqaz Xalqları Ali Dini Şurasının sədri
- Al əl-Beyt, İordaniya Kral İslam Düşüncə Akademiyasının üzvü
- İslam məzhəblərinin yaxınlaşması üzrə Təğrib Komitəsinin Rəyasət Heyətinin üzvü.
Şeyxülislam Paşazadə İslamın bütün ənənəvi məzhəblərinin vəhdətinin fəal tərəfdarıdır. Onun şəxsi təşəbbüsü ilə Qafqaz Müsəlmanları İdarəsinin nəzdində Azərbaycan müsəlmanlarının şiə-sünni tərkibini əks etdirən Qədilər Şurası yaradılmışdır. Bu Şuranın qərarları (fətvaları) həm şiələrə, həm də sünnilərə aiddir.
O, Azərbaycanın əsas müsəlman icmasının lideri kimi Azərbaycan cəmiyyətində və bütün dünyada dinlərarası dialoqun, tolerantlığın və multikulturalizmin təşviqi üçün xüsusi səylər göstərir.
Tarix elmləri doktoru, ilahiyyat professoru Allahşükür Paşazadə həm də Azərbaycanın ilk islamşünaslıq tarixçisi kimi tanınır. 1997-ci ildə Qafqaz Müsəlmanları Şurası yanında Elmi-Dini Şura yaradıb.